Հնդկական ռոբոտ-տիեզերական կայանը ավարտել է իր պտույտը Երկրի շուրջ և հաջողությամբ իրականացրել է դեպի Լուսնի ուղղություն դուրս գալու իր մանևրը, հայտնում է Հնդկաստանի տիեզերական գործակալությունը:
«Չանդրայան 3»-ն ավարտում է իր պտույտը Երկրի շուրջ և շարժվում դեպի Լուսին: Պերիգեի հաջող մեկնարկը… տիեզերանավը դուրս է բերել Լուսնի ուղեծիր», – թվիթերում գրել է Հնդկաստանի տիեզերական հետազոտությունների կազմակերպությունը:
Ակնկալվում է, որ «Չանդրայան 3»-ը կհասնի լուսնային ուղեծիր օգոստոսի 5-ին, և տիեզերանավի հեղուկային շարժիչը նորից կաշխատի՝ տիեզերանավը դեպի լուսնային ուղեծիր մղելու համար: Դրանից հետո կայանը պետք է չորս ուղեծրային մանևր անցկացնի՝ տիեզերանավն իր վերջնական ուղեծիր դուրս բերելու համար լուսնի մակերեւույթից մոտ 100 կիլոմետր հեռավորության վրա։
«Չանդրայան 3»-ը բաղկացած է վայրէջքի մոդուլից, շարժիչ մոդուլից և լուսնագնացից: Դեսանտային մասի առանձնացումը տեղի կունենա օգոստոսի 17-ին։ Սպասվում է, որ վայրէջքի մոդուլը Լուսնի մակերեսին վայրէջք կկատարի օգոստոսի 23-ին Հնդկաստանի ժամանակով 17:47-ին:
«Չանդրայան-3» առաքելությունը նախատեսված է նախորդ «Չանդրայան-2» առաքելության արձակման ժամանակ թույլ տված հնարավոր սխալները շտկելու համար։
Հնդկական «Չանդրայան-2» տիեզերանավը մտել է Լուսնի ուղեծիր 2019 թվականի օգոստոսի 20-ին։ Նույն թվականի սեպտեմբերին Vikram մոդուլը պետք է վերահսկվող վայրէջք կատարեր Լուսնի մակերեսին։ Սարքի իջնելը նորմալ է ընթացել, սակայն 2,1 կիլոմետր բարձրության վրա տեղի է ունեցել խափանում և երթուղուց շեղում, որի մանրամասները դեռևս պարզ չեն։ Հետո Վիկրամի կապը հրամանատարական կետի հետ կորել է։ Մի շարք անհաջող փորձերից հետո Հնդկաստանի տիեզերական հետազոտությունների կազմակերպությունը դադարեցրել է նրա հետ կապը վերականգնելու ջանքերը։