Եվրասիական գործընկերության միջազգային երրորդ համաժողովի շրջանակներում անց է կացվում «Խոստումնալից գիտական հետազոտություններ՝ ականավոր գիտնականների մասնակցությամբ» կլոր սեղանը:
Պրոֆեսոր Հարություն Ավետիսյանը հանդես եկավ «Համակարգային ծրագրավորում և կիբեռանվտանգություն» թեմայով ելույթով:
Վերջինս ընդգծեց, որ տեղեկատվական տեխնոլոգիաները մշտապես շատ կարևոր են եղել։
«Համակարգային ծրագրավորման և տեղեկատվական տեխնոլոգիաները մշտապես կարևոր են եղել, օրինակ, առանց դրանց գենետիկան հնարավոր չէր լինի զարգացնել, էլ չեմ խոսում տարրական հարցերի մասին:
Որն է IT տեխնոլոգիաների հաջողությունը. սոցիումը, տեխնիկան և համակարգային ապահովումը:
Սոցիումը ինովացիաների հիմնական պատվիրատուն է», – ասաց պրոֆեսոր Ավետիսյանը:
Երևանի պետական համալսարանը ներկայացնող պրոֆեսոր Վլադիմիր Հարությունյանը հանդես եկավ «Կիսահաղորդիչ քիմիական սենսորները» թեմայով ելույթով:
Հետազոտությունների հիմնական ուղղություններն են.
- բարձր զգայունությամբ և ընտրողունականությամբ օժտված տարբեր գազերի տվիչների,
- արևի էներգիան ջրածնի քիմիական էներգիայի փոխակերպիչների,
- ֆոտոընդունիչների, ծակոտկեն և նանոկառուցվածքների հիման վրա նոր կիսահաղորդչային սարքերի,
- թերմոէլեմենտների մշակման և ստեղծման ուղղությամբ:
Պրոֆեսոր Հարությունյանը նշեց, որ սենսորները արտադրվում են ԱՄՆ-ում և այլ երկրներում:
«Օրինակ, կան կիսահաղորդիչներ, որոնք զգում են գազը 300-500 աստիճան տաքացման ժամանակ:
Չեռնոբիլում, երբ աղետը եղավ, ամեն ինչ պայթեց, քանի որ չկային սենսորներ: Սենսորնեը զգում են շատ երևույթներ», – նշեց ԵՊՀ պրոֆեսոր Վլադիմիր Հարությունյանը: