Չորեքշաբթի առավոտյան պղնձի գներն աճել են 2.6 տոկոսով՝ Չինաստանից հումքի պահանջարկի աճի պատճառով, վկայում են աճուրդների տվյալները:

Comex բորսայում պղնձի դեկտեմբերյան ֆյուչերսների գինն աճել է 2.6 տոկոսով եւ կազմել 4.2165 դոլար մեկ ֆունտի դիմաց (մոտ 0.45 կիլոգրամ):

Երեքշաբթի օրվա վերջում Լոնդոնի մետաղների բորսայում (LME) մեկ տոննա պղնձի գինը նվազել է 0.64 տոկոսով՝ մինչեւ 8975.5 դոլար, ալյումինի գինը՝ 0.59 տոկոսով՝ մինչեւ 2846 դոլար, ցինկի գինը՝ 1.19 տոկոսով՝ մեկ տոննայի դիմաց մինչեւ 2978 դոլար: