2016-ին Եվրասիական տնտեսական միության տարածքում փոխադարձ առեւտուրը կրճատվել է 6.7 տոկոսով, սակայն միության տարածք Հայաստանի արտահանումը մեծացել է 53 տոկոսով: Իսկ 2017-ի հունվարին միության տարածք Հայաստանի արտահանումը մեծացել է 81.3 տոկոսով: Այս մասին մարտի 28-ին առցանց համաժողովի ժամանակ ասել Եվրասիական տնտեսական հանձնաժողովի ինտեգրման հիմնական ուղղությունների ու մակրոտնտեսության կոլեգիայի անդամ (նախարար) Տատյանա Վալովայան:
2017-ին Եվրասիական տնտեսական հանձնաժողովի մասնագետները, Վալովայի խոսքով, 0.9 տոկոսով ՀՆԱ աճ են կանխատեսում: Նման աճ է կանխատեսվում նաեւ 2018-ին եւ 2019-ին` ելնելով արդյունաբերական արտադրության ու գյուղատնտեսության ցուցանիշներից: 2016-ին արդյունաբերական արտադրության աճը կազմել է 0.9 տոկոս (Հայաստանում ` 6.7 տոկոս, իսկ Ղրղզստանում` 4.9 տոկոս), գյուղատնտեսության աճը կազմել է 4.5 տոկոս:
Ինչ վերաբերում է փոխադարձ առեւտրի մասին տվյալներին` այն կրճատվել է 2015-2016-ին` կապված էներգոռեսուրսների գների անկման եւ տնտեսական աճի դանդաղեցման հետ:
Նա հավելել է, որ 2016-ի սեպտեմբերից փոխադարձ առեւտուրը սկսեց աճել ամիս առ ամիս: 2017-ի հունվարին այն մեծացավ 38.1 տոկոսով` ի տարբերություն 2016-ի հունվարին: Բացի այդ, ինչպես նշվեց, զգալիորեն մեծացավ ԵՏՄ երկրներ Հայաստանի արտահանումը: