ՌԴ նախագահ Վլադիմիր Պուտինի տարածաշրջանային տնտեսական ինտեգրացիայի հարցերով խորհրդական Սերգեյ Գլազևը ողջույնի խոսք է հղել Եվրասիական գործընկերության միջազգային առաջին համաժողովի մասնակիցներին:
Նամակում, մասնավորապես, ասվում է, որ չնայած Մաքսային միության կազմավորման առաջին տարիներին Եվրասիական տնտեսական միության մասնակից երկրների միջև առևտրային կապերի կտրուկ ակտիվացմանը և այդ երկրների տնտեսական աճի խթանմանը, վերջին տարիներին փոխադարձ առևտրի ու ներդրումների նվազեցում է արձանագրվում, դանդաղում են ինտեգրացիոն գործընթացները: Գլազևը նշում է, որ անհրաժեշտ է տնտեսական աճի նոր հնարավորություններ գտնել, հիմնվելով ԵՏՄ-ի միասնական տնտեսական դաշտի ընձեռած առավելությունների վրա:
Գլազևը ուրվագծել է նաև այն թեմաները, որոնք կարող են քննարկվել համաժողովի ընթացքում: Դրանք են.
- Ներդրումային համագործակցությունը և ֆինանսաբանկային փոխներգործությունը ԵՏՄ-ում ձևավորվող ընդհանուր ֆինանսական շուկայի շրջանակում
- Բարենպաստ և ապահով ներդրումային միջավայրի ստեղծումը
- Միասնական էներգետիկ շուկայի և տեղեկատվական և հեռահաղորդակցության տեխնոլոգիաների սեկտորի զարգացումը
- Ագրոարդյունաբերական միասնական համալիրի զարգացումը
- Տրանսպորտային ծառայությունների միասնական շուկայի զարգացումը
- Գիտատեխնիկական առաջընթացի հեռանկարային ուղղությունների իրականացումը Բնական ռեսուրսների համալիր յուրացումը