Չինաստանի Ժողովրդական բանկը (կենտրոնական բանկ) երեքշաբթի 235 կետով իջեցրել է ժենբինբիի (ազգային արժույթի պաշտոնական անվանումը) փոխարժեքը դոլարի նկատմամբ՝ 6.7134 յուանի հասցնելով։ Այս մասին ասվում է կարգավորողի կայքում տեղադրված հաղորդագրության մեջ։
Ինչպես հետեւում է կարգավորողի վիճակագրությունից, դա նվազագույն ցուցանիշ է 2020 թվականի հոկտեմբերի 30-ից ի վեր։ Յուանը դոլարի նկատմամբ նվազում է արդեն երրորդ աշխատանքային օրն անընդմեջ։
2020 թվականին Covid-ի համավարակի ֆոնին դոլարի նկատմամբ յուանի փոխարժեքը մի քանի ամիս շարունակ նվազում է։ 2020 թվականի մայիսի 29-ին կարգավորիչն այն իջեցրեց մինչեւ 2008 թվականի փետրվարից ի վեր ամենացածր մակարդակը՝ 7.1316 յուան դոլարի դիմաց: Սակայն դրանից հետո ազգային արժույթը սկսեց աստիճանաբար ամրապնդվել դոլարի նկատմամբ եւ 2021 թվականի ընթացքում գտնվում էր մեկ դոլարի դիմաց 6.35-ից 6.57 յուանի մակարդակում։