Էլեկտրամոբիլների չինական NIO արտադրողը ներկայացրել է իր շարքի նոր եւ ամենաէժան մոդելը, որը շուկայում կհայտնվի 2022 թվականի սեպտեմբերին: Այդ մասին հայտնել է «Իցայ գլոբալ» պորտալը։
Խոսքն էլեկտրական սեդանի մասին է, որը է, որը ստացել է ET5 անվանումը։ Նորույթի արժեքը նախնական գնահատվում է 329 հազար յուան (51 հազար դոլարից մի փոքր ավելի): Ընկերությունը, որի արտադրանքը կոչվում է նաեւ «չինական Tesla», հաճախորդներին առաջարկում է երեք կոմպլեկտացիա տարբեր ձգողական մարտկոցներով՝ 75 կՎտ/ժ-ից մինչեւ 150 կՎտ/ժ: Այսպիսով, մեկ լիցքավորման դեպքում էլեկտրամոբիլը կկարողանա անցնել 550-ից հազար կմ։
NIO-ի հիմնադիր Լի Բինը կարծում է, որ կոնկրետ այս մոդելը կդառնա ամենավաճառվող մոդելը երիտասարդ ընկերության ողջ պատմության մեջ, գրում է ռեսուրսը։
Բացի էլեկտրամոբիլներից, NIO-ն իր հաճախորդներին առաջարկում է նաեւ մարտկոցի արագ փոխման ծառայություն: Ամբողջ Չինաստանում տեղադրվել է ավելի քան 700 նման կայան, իսկ հաջորդ տարի դրանք կլինեն մոտ 1,3 հազար: