2022 թվականին Հայաստանի Սահմանադրական դատարանի ապարատի շրջանակներում նախատեսվում է իրականացնել 1 ծրագիր՝ 2 միջոցառմամբ։ Այս մասին նոյեմբերի 3-ին մշտական խորհրդարանական հանձնաժողովների համատեղ նիստին 2022 թվականի պետական բյուջեի նախագծի քննարկման ժամանակ հայտարարեց ՀՀ ֆինանսների նախարար Տիգրան Խաչատրյանը։ Այդ նպատակների համար նախատեսվում է հատկացնել 704.6 մլն դրամ։ 2021 թվականի համեմատ աճը կկազմի 3 տոկոս։
Ընդ որում, Բարձրագույն դատական խորհրդին կհատկացվի 14 մլրդ 460 մլն դրամ՝ 22 միջոցառմամբ 1 ծրագրի իրականացման համար։ Աճը կկազմի 18.87 տոկոս։
«2022 թվականին Արդարադատության նախարարությունը պետք է իրականացնի 9 ծրագիր՝ 27 միջոցառմամբ։ Ֆինանսավորումը կկազմի 23 մլրդ 288 մլն դրամ»,- ասաց նախարարը։ Աճը, նրա խոսքով, կկազմի 12.7 տոկոս։
Գլխավոր դատախազությունը պետք է 4 միջոցառմամբ 3 ծրագիր իրականացնի 6.681 մլրդ դրամ ընդհանուր գումարով։ Աճը կկազմի 8.7 տոկոս։
Պետական վերահսկողական ծառայությունը պետք է իրականացնի 2 միջոցառմամբ 1 ծրագիր: Այդ նպատակների համար պետբյուջեից կհատկացվի 758.4 մլն դրամ։ Աճը կկազմի 0.4 տոկոս։
Հաջորդ տարի Քննչական կոմիտեն պետք է իրականացնի 8.340 մլրդ դրամ ընդհանուր գումարի 5 միջոցառմամբ 1 ծրագիր։
Կոռուպցիայի կանխարգելման հանձնաժողովին կտրամադրվի 350.6 մլն դրամ՝ 2 միջոցառմամբ 1 ծրագրի իրականացման համար։ Աճը կկազմի 50 տոկոս։
Հակակոռուպցիոն հանձնաժողովը պետք է իրականացնի 1 ծրագիր՝ 3 միջոցառմամբ: Այդ նպատակով կհատկացվի 823.7 մլն դրամ։
Հաշվեքննիչ պալատը 2 միջոցառմամբ 1 ծրագրի իրականացման համար կստանա 1 մլրդ 49.7 մլն դրամ։
3 միջոցառմամբ 1 ծրագրի իրականացման համար Կենտրոնական ընտրական հանձնաժողովը կստանա 1 մլրդ 268.4 մլն դրամ։ Ֆինանսավորումը 2021 թվականի նախընտրական տարվա համեմատ կրճատվել է 32 տոկոսով։