Եվրասիական միջկառավարական խորհրդի նիստի մասնակիցները ԵՏՄ-ի եւ Իրանի միջեւ ազատ առեւտրի գոտու ստեղծման ժամանակավոր համաձայնագրի նախապատրաստման աշխատանքները կազմակերպելու մասին կարգադրություն են ստորագրել:
Խորհրդի նիստի մասնակիցները ստորագրել են նաեւ 2015-2016թթ. մասնակից- պետությունների միջեւ փոխադարձ առեւտրի վիճակի մասին, «ԵՏՄ-ում ինտեգրացիոն պոտենցիալ ունեցող տնտեսության ոլորտների եւ դրանց օգտագործմանն ուղղված միջոցառումների մասին» կարգադրությունները:
Մասնակիցները ստորագրել են նաեւ մինչեւ 2025 թվականը ԵՏՄ թվային օրակարգի իրականացման հիմնական ուղղությունների նախապատրաստման աշխատանքների մասին հանձնարարականը:
Ստորագրվել են նաեւ ագրորադյունաբերական համալիրի զարգացման համատեղ կանխատեսումների մասին, 2016-2017 թվականներին գյուղատնտեսական արտադրանքի հիմնական տեսակների վերաբերյալ մասնակից-երկրների առաջարկությունների եւ պահանջարկի մասին կարգադրությունները եւ այլ փաստաթղթեր: