Նավթային հսկաներից մի քանիսը կընկնեն՝ մաքուր էներգիային անցնելու հետ կապված, կարծում է Microsoft-ի հիմնադիր Բիլ Գեյթսը, գրում է Axios-ը։
Գեյթսը նախազգուշացրել է այն ենթադրությունների կապակցությամբ, որ «նոր դարաշրջանները նշանավորվում են հսկաների անկմամբ», բայց հավելել է. «Այո, այս հսկաներից մի քանիսը կընկնեն, գիտե՞ք արդյոք, որ 30 տարի հետո որոշ նավթային ընկերություններ շատ ցածր գին կունենան… Կարծում եմ, որ մի քանի խոշոր ընկերություններ հաջողություն կունենան։ Մենք, միանշանակ, բաց ենք ընկալման համար… Կարծում եմ, որ որոշ խոշոր ընկերություններ անցում կկատարեն»:
Մի շարք խոշոր նավթային ընկերություններ՝ եվրոպական հսկաների գլխավորությամբ, դիվերսիֆիկացվում են այնպիսի ոլորտներում, ինչպիսիք են վերականգնվող էներգիան, էլեկտրական մեքենաների լիցքավորումը եւ ջրածինը, թեեւ նավթն ու գազը մնում են բիզնեսում նրանց գերիշխող ուղղությունները:
Գեյթսը պոտենցիալ է տեսնում այնպիսի ոլորտներում, ինչպիսին է «երկնագույն» ջրածինը՝ նշելով, որ «մենք ԱՄՆ-ում խողովակաշարի ենթակառուցվածք ունենք, որը հավանաբար կարող է արդիականացվել ջրածնի տեղափոխման համար»: